АДЫГЭ ДИКТАНТ

Дунаим тет адыгэ пстэуми шIуфэс ятэхы, адыгабзэм имэфэкI мафэкIэ тафэгушIо! «Адыгабзэмрэ тхыбзэмрэ я Мафэ» ипэгъокIэу, ныдэлъфыбзэр къэухъумэгъэным пае Адыгэ къэралыгъо университетым и Лъэпкъ факультет «АДЫГЭ ДИКТАНТ» онлайн шIыкIэу зэхещэ.

Хэлэжьэнэу фаер гъэтхапэм и 14-м сыхьатыр 12-00-м Адыгэ къэралыгъо университетым иютуб канал (нэк1убгъом ышъхьэ ссылкэр къыщыттыгъ fafk_agu) мыгужъоу, тхьапэрэ къэлэмрэ ыIыгъэу къерэхь, шъукъеблагъ.

Фаем ыцIэ шъхьаихыгъэу къыгъэнэфэн фит, фэмыем цIэтедзэ къытхымэ хъущт.

Зэритхыщт ыкIи зэрауплъэкIущт шIыкIэр тхэныр рамыгъажьэзэ къэтIотэщт.

Диктант Iэпэрытхым техыгъэ сурэтыр къыздебгъэхьыщтыр: e-mail adygkafedra@mail.ru е мы WhatsApp телефон номерым 8 (960) 499 01 77.

Диктантыр зэритхыгъэр къэзыушыхьатрэ тхылъ зищыкIагъэм мы ссылкэмкIэ регистрацие ыкIун фае: http://bit.do/fPdUw.

Адыгэгу зиIэу, адыгабзэр зикIасэу дунаим тет пстэури гъэтхапэм и 14-м сыхьатыр 12-00м ютуб каналым къетэгъэблагъэ!

УпчIэ зиIэр мы телефонхэм къатерэу: 8 (961) 828 40 63, 8 (928) 469 73 73