К1элэегъаджэу ык1и ш1эныгъэлэжьэу Даур Хьазрэт къызыхъугъэр илъэси 105-рэ хъугъэ.

Жъоныгъуак1эм и 15-м 1912 илъэсым Даур Хьазрэт Батыр ыкъор къуаджэу Адэмые къыщыхъугъ. Хьазрэт ш1эныгъэлэжьэу, адыгабзэм иуцун, ихэгъэхъон, изэгъэш1эн дэлажьэщтыгъэ. Еджак1охэр адыгабзэм зэреджэщт тхылъхэр, программэхэр, методичкэхэр ытхыгъэх. Статья пчъагъэ адыгабзэм илексикэ, исинтаксис ык1и нэмык1 упч1эхэм афэгъэхьыгъэу ытхыгъэх. Даур Хьазрэт ц1ыф гъэсагъэу, ц1ыфыш1оу, шэныш1оу иныбджэгъухэм,  ригъэджагъэхэм агу къэк1ыжьы.

Зэ1ук1эм хэлэжьагъэх  Даур Хьазрэт ригъэджагъэхэу, дэлэжьагъэхэу Адыгэ филологиемрэ культурэмрэ яфакультет идеканэу  Хьамырзэкъо Нуриет, профессорэу Бырсыр Батырбый, адыгэ тарихъымрэ культурэмрэ якафедрэ ипащэу Унэрэкъо Рай, ш1эныгъэлэжьхэу Бэгъырэкъо Хьазрэт, Хьак1эмыз Мир, Шъхьэлэхъо Рим, студентхэу Дэунэжьыкъо Мурат, Теуцожь Алый, Шъхьак1эмыкъо Сусан, Шъхьалэхъо Нафсэт.

Адэмые гурыт еджап1эм я 5-11-рэ классым щеджэрэ к1элэеджак1охэр адыгабзэм фэгъэхьыгъэ усэхэм къяджагъэх, орэдхэр къа1уагъэх, Даур Хьазрэт  рыгушхохэу, ащ ыц1эк1э атхыгъэ усэхэм къяджагъэх. Зэнэкъокъу гъэш1эгъонхэм к1элэеджак1охэр хэлэжьагъэх, адыгэ гущы1эжъхэр зэраш1эрэр къагъэлъэгъуагъ, ш1ухьафтынхэри аратыгъэх.

                                                                                              Я 3-рэ курсым щеджэрэ студенткэу                                                                                                                                              Шъхьэлэхъо Нафсэт